Развој и примена на адаптиран модел за одржливо управување со отпад од храна во угостителските објекти

Гроздановски, Горан (2026) Развој и примена на адаптиран модел за одржливо управување со отпад од храна во угостителските објекти. Masters thesis, UKLO St. Kliment Ohridski - Bitola.

Text Магистерски труд од Горан Гроздановски.docx Download (4MB)

Abstract

Отпадот од храна претставува еден од најзначајните предизвици на современото општество, со изразени економски, еколошки и социјални импликации. Особено значајна е улогата на угостителскиот сектор, кој поради својата специфична природа претставува еден од главните генератори на отпад од храна.
Целта на овој магистерски труд е да се анализира проблемот на отпадот од храна во угостителството во Македонија и да се предложи адаптиран модел за негово одржливо управување. Истражувањето се базира на интеграција на теоретски и емпириски пристап, при што се користат секундарни податоци преку анализа на релевантна научна и стручна литература, како и примарни податоци прибрани преку анкетно истражување, интервјуа и набљудување.
Резултатите покажуваат дека отпадот од храна произлегува од интеракцијата помеѓу организациските, оперативните и факторите поврзани со однесувањето, при што однесувањето има значајна улога во неговото создавање.
Врз основа на добиените сознанија, предложен е адаптиран модел за управување со отпад од храна - моделот „4R+S+B“ (Reduce, Reuse, Repurpose, Recycle, Sustainability и Behavior), кој ги интегрира принципите на намалување, повторна употреба, пренамена, рециклирање, одржливост и однесување во единствен системски пристап.
Научниот придонес на трудот се состои во развој на адаптиран концептуален модел кој е применлив во локален контекст, додека практичниот придонес се согледува во применливоста на моделот во угостителскиот сектор, со цел намалување на отпадот од храна, подобрување на организациската ефикасност и унапредување на одржливоста.

Клучни зборови: отпад од храна, угостителство, циркуларна економија, одржливо управување, модел 4R+S+B

Item Type:	Thesis (Masters)
Subjects:	Scientific Fields (Frascati) > Social Sciences > Other social sciences
Divisions:	Faculty of Tourism and Hospitality
Depositing User:	Prof. d-r Tatjana Dimoska
Date Deposited:	02 Oct 2026 10:56
Last Modified:	02 Oct 2026 10:56
URI:	https://eprints.uklo.edu.mk/id/eprint/11863

Actions (login required)

View Item